1485 feb 26, AKDOG 792
Afschrift CvB 430 f69; van AKDOG 792, regest 400, dd 26-2-1485
Transcriptie Jan Timmers
Overdracht van een erfpacht van een malder rogge door Merten Michiel Smeets aan Jan Michiels. De erfpacht werd destijds door Michiel Smeets gekocht van Jan Berch en Stoof Diercks van Strijbosch.
Wy Jan Voederats, Joest die Smet, Ansem Boenberch, Eymbrecht Michielssoen, Heynrick Wolff, Heynrick Janssn ende Gheret Roeloffssoen scepen in Gemert doen condt eenen yegelycken dat voer ons commen is Merten wittighen soen wylnen Michiel Smeets ende heeft erffelycken opghedragen ende overgegeven metten alden brieven Jannen Michielssoen een malder roggen erffspachts der maeten van Gemert van ende vuyt drie malderen roggen erfspachts der selver maeten voerscreven, welck malder vrsz den voersz vercoeper aengecommen ende verstorven is van wylnen Michielen Smets synen vader voerscreven ende die voersz Michiel voermaels vercreghen hadde in eenen erffcoep teghen wylnen Jan Berch ende Stoeven Dierckssn, wylnen Dierckssoen van Strybosch gelyck in scepene brieven van Gemert daer voer opgemaekt volcoemmelyck begrepen is. Voert heeft die voerscreven vercoeper helmelyck vertegen opt voersz malder roggen op den alden coepbrieff vrsz als tot den vrsz malder roggen thoe, ende voert op allen rechten hoem ende synder moeder daer in thoebehoerende tot behoef des coepers vrsz mede gheloevende die voers vercoeper den vrsz coeper als principael schulder, d obdraghen, d overgegeven ende t vertyen voerscrevben ewelyck vast ende stedich te houden sonder enich wederseggen ende coemmer van synen ende synder moeder weghen voerscreven den coeper vrsz aff te doen int voerscreven malder roggen erfspachts wesende off coemmende op hoem ende op allen syn goet hebbende off vercrygende. Sonder argelist. Bezegelt metten gemeynen zegel ons scependomps vrsz ende ghegeven int jaer ons heeren duijsent vierhondert tachtentich ende vyf, den sesentwentichsten dach in sprockel der maent.